Freyðivín eru framleidd víða um Frakkland og í Búrgund kallast þau Crémant du Bourgogne.  Bailly-Lapierre er  framleiðandi í þorpinu Bailly í norðurhluta héraðsins. Þetta er nágrannasveit Champagne og þrúgurnar því ekki bara þær sömu og ræktaðar eru í Champagne (það er Pinot Noir og Chardonnay) heldur aðstæður allar einnig mjög svipaðar. Þar sem  sama aðferð er notuð við gerð freyðivínsins og í Champagne verður útkoman oft mjög góð.

Þetta vín hefur strágulan lit, freyðir vel og fallega, nokkuð snotrar stórar búbblur. Fersk angan af eplum, sítrus, brioche og kex, vanillu og kalk. Mjúk og lifandi fylling.

La Marca Prosecco kemur frá svæðinu Treviso í Veneto í norðuhluta Ítalíu eða kannski ætti maður frekar að segja frá svæðinu Prosecco? Sagan er svolítið flókin. Til skamms tíma var Prosecco nefnilega heitið á þrúgu sem freyðivínin Prosecco voru síðan kennd við. Margir rugluðu þessu hins vegar saman og töldu Prosecco vera hérað, svona rétt eins og Champagne í Frakklandi. Og nú fyrir skömmu var þessu snúið við. Ákveðið svæði var skilgreint sem framleiðslusvæðið Prosecco og ákveðið að taka upp hið forna rómverska heiti þrúgunnar “ Glera” á nýjan leik. Með þessu er m.a. verið að vernda vöruheitið Prosecco en með þessu er tryggt að þótt þrúgan sé notuð annars staðar í heiminum þá má ekki kalla vínin Prosecco nema þau komi frá Prosecco. ( texti frá www.vinotek.is )

Fínlegur strágulur litur með líflegri kolsýru, ilmur af ferskum sítrusávexti, hvítri ferskju og blómum, í munni hálfþurrt og ferskt með bragði af þroskaðri sítrónu, grænum eplum, fínleg sýra og míneralískir undirtónar.

La Marca Prosecco kemur frá svæðinu Treviso í Veneto í norðuhluta Ítalíu eða kannski ætti maður frekar að segja frá svæðinu Prosecco? Sagan er svolítið flókin. Til skamms tíma var Prosecco nefnilega heitið á þrúgu sem freyðivínin Prosecco voru síðan kennd við. Margir rugluðu þessu hins vegar saman og töldu Prosecco vera hérað, svona rétt eins og Champagne í Frakklandi. Og nú fyrir skömmu var þessu snúið við. Ákveðið svæði var skilgreint sem framleiðslusvæðið Prosecco og ákveðið að taka upp hið forna rómverska heiti þrúgunnar “ Glera” á nýjan leik. Með þessu er m.a. verið að vernda vöruheitið Prosecco en með þessu er tryggt að þótt þrúgan sé notuð annars staðar í heiminum þá má ekki kalla vínin Prosecco nema þau komi frá Prosecco. ( texti frá www.vinotek.is )

Fínlegur strágulur litur með líflegri kolsýru, ilmur af ferskum sítrusávexti, hvítri ferskju og blómum, í munni hálfþurrt og ferskt með bragði af þroskaðri sítrónu, grænum eplum, fínleg sýra og míneralískir undirtónar.