Douro-dalurinn í norðurhluta Portúgal er með fegurstu víngerðarhéruðum heims. Fljótið Douro hlykkjast um dalinn á lokasprett sínum að Atlantshafi og í bröttum hlíðunum berst vínviðurinn í grýttum jarðveginum á manngerðum syllum. Douro er auðvitað þekktast fyrir að vera hérað hinna styrktu vína, portvínanna, frægustu vína Portúgal.

Rafrautt að lit, ilmur af þroskuðum og þurrkuðum ávexti og hnetum. Í munni örlítið þurrt þó sætt sé, kryddað, síróp og mjúk fylling, mild tannín og heitt eftirbragð.