Guigal er eitt virtasta vínhús Frakklands og þekktast er það fyrir tignarleg vín sín sem teljast til bestu og eftirsóttustu vína veraldar. Guigal fjölskyldan er þekktust fyrir hin ótrúlegu Côte Rôtie vín sín og raunar það  víngerðarhús sem hefur hafið þau til vegs og virðingar. Marcel Guigal var frumkvöðull að því að gera einnar ekru vín frá Côte Rôtie Guigals sem eru þrjú talsins, La Mouline, La Landonne og La Turque, risar sem þurfa ekki minna en fimm ár til að ná þroska og er best á bilinu 5-10 ára en munu þorskast skemmtilega næstu 15-20 árin. Vínviðurinn er að jafnaði 50 ára gamall og er í bröttustu hlíðunum sem sól nærir úr suðri.  Hátt upp í bröttum Côte Rôtie hlíðunum er La Turque víngarður Guigals í hjarta Côte de Brune.  

Enn jarðvegur La Turque  er rauðlitaður leir sem ríkur er af járnoxíði enn líka einnig af kalksteini sem ríkur er af kísil eins og er að mestu í Côte Blonde . Vínviðurinn er að jafnaði um 25 ára gamall. Víngarðurinn er plantaður 97%  Syrah og 7% Viognier.

Við gerð La Turque er ekkert til sparað og þegar vínið er klárt eftir 4 vikna gerjunarferli þá er það sett á nýjar franskar eikartunnur og látið taka út þroska í allt að 42 mánuði. Vínið er djúp rúbínrautt að lit. Greina má meðal annars brómber, kirsuber, hindber og kryddglefsur. Það fyllir vitin af öllu því sem maður vonast eftir frá þessu svæði í víni, þétt og mikið um sig enn jafnvægistillt og fágað í senn. Eitt af gersemum Guigal.