Suður Afríku vínin frá Two Oceans eru létt og þægileg með góða snerpu. Þau koma frá einum syðsta odda Afríku þar sem hin tvö andstæðu höf mætast sem vínið er kennt við, annars vegar heitt Indlandshafið og hins vegar kalt Atlantshafið. Þessi ólíku höf hafa óneitanlega áhrif á loftslagið við strandlengjuna og langt inn í landið alla leið að vínekrum við hinn fræga Góðravonarhöfða.

Bjartur grængullinn litur. Í angan er vottur af stjörnuávexti og suðrænum tónum. Fínlegt í bragði og örlítið snarpt með vott af sætum sítrusávexti, límónu, grape, stilksberjum, passjón ávexti og melónum. Fæst einnig í 3 lítra búkollu.