Santa Cristina er með eldri vörumerkjum í ítalskri vínframleiðslu en Pinot Grigio-vínið í línunni er hins vegar nýtilkomið en í það eru notaðar þrúgur ræktaðar af svæðinu sem skilgreint er sem delle Venezie en það nær til hluta héraðanna Veneto, Friuli og Trentino.

Ljósgult að lit, ilmur af ferskjum, perum og ananas, í munni er það ferskt og snarpt og við bætist bragð af þroskuðum gulum eplum og svolítil sítrusbörkur, sólríkt, ferskt og snarpt vín. Auðdrekkanlegt og í góðu jafnvegi með vott af miðjarðarhafskryddum í eftirbragði.