Pascal Jolivet er eitt af stóru nöfnunum í franska vínheiminum þó að þorpið hans Sancerre sé ekki stórt. Á hæðunum í kringum Sancerre og nágrannaþorpið Pouilly kemst þrúgan Sauvignon Blanc stundum hvað næst fullkomnum, ekki síst þegar meistarar eins og Jolivet eru við stjórnvölinn.

Þetta vín frá Jolivet er ljóst og tært á lit, suðrænt, ferskjur, melóna og þroskaður greipávöxtur.  Brakandi ferskt í munni, bjart, míneralískt í lokin. Vín fyrir t.d bleikju, lax, humar, krækling og ferskum geitaosti.