Vínhúsið Quinta Da Fonte Souto er í eigu hinnar frægu Symington fjölskyldu sem er með höfuðstöðvar sínar í Douro dalnum og borginni Porto – Vila Nova de Gaia í norðurhluta Portúgal.

Þau eiga 28 vínbúgarða og mörg heimsþekkt portvínshús eins og t.d. Graham´s, Cockburn´s, Dow´s og Warre´s. Einnig framleiða þau mögnuð léttvín í Douro sem koma frá nokkrum Quinta´s í eigu fjölskyldunar á Douro Superior svæðinu. Frægast þeirra er án efa Chryseia P+S frá Quinta de Roriz sem er sameign Symington og hinnar frönsku Prats fjölskyldu.

Sumarið 2017 keypti Symington sitt fyrsta vínræktarsvæði utan Douro, 207 hektarar landareign í Alentejo sem er mun sunnar í Portúgal. Eignin er í hlíðum São Mamede fjallana í Portalegre í norð-austurhluta Alentejo nálægt landamærum Spánar. Eignin er um 500 metrum yfir sjávarmáli og því bæði kaldara og rakara enn á Alentejo sléttunni, sem er að jafnaði bæði þurrt og heitt. Jarðvegurinn granít grýttur og því snauðari enn víðast annarstaðar. Í dag eru rúmlega 40 hektarar nýttir undir vínrækt og um 100 hektarar eignarinnar umlykjandi vínræktina er skóglendi, kork og kastaníu tré.  

Florão vínin eru aðgengilegasti vínstílinn frá Fonte Souto búi sem ætlað er að drekka ungt. Vínið er blanda af 39% Aragonez ( sem heitir líka Tempranillo eða Tinta Roriz ), 30% Alicante Bouschet, 18% Trincadeira og 13% aðrar þrúgur og fær um helmingur af víninu eikarþroskun í 6 mánuði að 3-4 ára gamali eik. Þurrt og ferskt vín, ilmur frá furu og tröllatré til yndislegs rósagarðilm, rauður og svartur berjaávöxtur, hindber, kirsuber ásamt fínlegum kryddum smá negul og múskat. Mjög aðgengilegur núna en verður enn betri eftir eitt eða tvö ár í viðbót í flösku.

Tiltölulega svalur vaxtarhringur ársins sýnir glæsileika og skýrleika ilmanna, sem eru allt frá furu og tröllatré til yndislegs rósagarðilm. Það eru líka keimur af hindberjum og kirsch. Pakkað með keim af ferskum, rauðum og svörtum ávöxtum skógarins, með fínkornum krydduðum tannínum og smá negul og múskat.