Trimbach er eitt af þekktustu vínhúsum Alsace í Frakklandi. Fjölskyldan hefur verið í víngerð frá árinu 1626 og er þekkt fyrir fágaðan, nákvæman og þurran stíl. Það var hins vegar ekki fyrr en á nítjándju öld sem að vínin frá Trimbach slógu rækilega í gegn þegar Fréderic-Emil Trimbach fór með nokkur sýnishorn á heimssýninguna í Brussel árið 1898. Alla tíð síðan hefur þetta fjölskyldufyrirtæki í bænum Ribeauville verið í röðum fremstu framleiðenda héraðsins.

Það sem gerir Trimbach áhugavert er að vínið er ekki endilega að reyna að vera stórt eða dramatískt. Það er fremur eins og góður kokkur sem veit að það þarf ekki að setja allt kryddið í réttinn til að ná fram bragði.

Pinot Gris Réserve er úrvalsvín þar sem þrúgan fær að sýna meiri fyllingu, þroska og smá reyktan blæ.

Djúpt strágult að lit, fíkjur, ferskjur, hunang, þroskuð epli, pera og reykur í ilmi, þurrt vín með smá sætu og mildri sýru, kryddað og feitt í munni. Ótrúlega fjölhæft matarvín.