Í Stonewell Shiraz eru þrúgurnar sérlega valdar og handtýndar af vínvið sem er allt að 100 ára gamall, frá mörgum af smærri vínbændum í Barossa, en það var einmitt með þeim sem Peter heitinn byggði upp sitt vínhús. Þetta er ekki bara besta Shiraz vín Lehmann heldur eitt af þeim allra bestu í Barossa. Þetta vín er flaggskip Peter Lehmann úr Shiraz þrúgunni. Vínið fer á markað fimm ára gamalt, og er þá búið að þroskast á franskri og 10% á amerískri eik í 14 mánuði og 3 ár til viðbótar á flösku. Ótrúlegt jafnvægi og mikill karakter er utan um þetta magnaða vín, bragðupplifun af bestu gerð.

Svarblátt, dökkt sem blek og algjörlega ógegnsætt á lit. Í nefi sólber, plómur, kóla og piparkökur, negull, mikið kaffi. Ungt í munni, kröftugt, sýrumikið og tannískt, tignarlegt, fínlegt þrátt fyrir allan sinn kraft. Eikin fullkomlega samofin við djúpan og margslunginn ávöxtinn. Þetta er vín til að geyma, að minnsta kosti verður að umhella því. Flott með villibráðinni, lambi eða vel hanginni nautasteik.