Tilurð Orin Swift Cellars í Napa Kaliforníu nær aftur til ársins 1995, eða frá því að David Swift Phinney tók tilboði vinar síns um að ferðast með honum til Florence á Ítalíu til þekkingarauka. Eftir tíma þar var ekki aftur snúið er varðaði víngerð og framleiðslu. David lauk víngerðarnámi og fékk eftir það tímabundna vinnu við uppskeru hjá Robert Mondavi. Hann ákvað síðan að stofna sitt eigið vínhús í Napa árið 1998 sem hann nefndi eftir foleldrum sínum Orin Swift Cellars. Orin er miðnafn föður og Swift skírnarnafn móður hans.

Með aðeins tvö tonn af Zinfandel og lítið af öðru þrúgutegundum skóp hann vín sem þóttu einstök, jaðar eða bílskúrsvín eins og menn kölluðu eftirtektaverða sprota vínframleiðslu í þá daga. Allt frá upphafi hefur Orin Swift fengið gríðamikla athygli og lof vínrýna fyrir mögnuð gæði og ekki síður einnig fyrir nafngiftir og framsetningu vína fyrirtækisins.

Mercury Head er toppvínið frá Orin Swift. Án gæðaþrúgna er frábært vín ómögulegt. Það kemur frá bestu hlutunum frá mjög völdum víngörðum í Napa Valley og vínið er vitnisburður um þá víngarða, meginreglu okkar og hvað er mögulegt í Napa Valley. Liberty Dime á hverri flösku táknar uppáhaldsmynt Dave úr safni og verðmætustu eign hans.

Nánast bleksvart að lit, þétt ilm og bragð af þroskuðum sólberjum, rifsberjum, fersku timjan, sandalviði og runna ásamt brómberja- og hindaberjasoði, rabarbara og karamella með skvettu af svörtu tei og lakkrís, okakeimur af súkkulaðihúðuðum espressóbaunum og ofurmjúkum tannínum ramma inn þetta umfangsmikla vín. Vínið er látið þroskast í 1 mánuði í 43% nýjum frönskum eikartunnum.