Tilurð Orin Swift Cellars í Napa Kaliforníu nær aftur til ársins 1995, eða frá því að David Swift Phinney tók tilboði vinar síns um að ferðast með honum til Florence á Ítalíu til þekkingarauka. Eftir tíma þar var ekki aftur snúið er varðaði víngerð og framleiðslu. David lauk víngerðarnámi og fékk eftir það tímabundna vinnu við uppskeru hjá Robert Mondavi. Hann ákvað síðan að stofna sitt eigið vínhús í Napa árið 1998 sem hann nefndi eftir foleldrum sínum Orin Swift Cellars. Orin er miðnafn föður og Swift skírnarnafn móður hans.

Með aðeins tvö tonn af Zinfandel og lítið af öðru þrúgutegundum skóp hann vín sem þóttu einstök, jaðar eða bílskúrsvín eins og menn kölluðu eftirtektaverða sprota vínframleiðslu í þá daga. Allt frá upphafi hefur Orin Swift fengið gríðamikla athygli og lof vínrýna fyrir mögnuð gæði og ekki síður einnig fyrir nafngiftir og framsetningu vína fyrirtækisins.

Ein af mörgum skilgreiningum á orðinu, abstrakt, er samantekt á einhverju stærra, Abstract, á sinn hátt, er ágrip af víngerðarverkefni okkar og siðferði Orin Swift. Það mun alltaf hafa okkar einkennandi drykkjarhæfni, samanstendur af ávöxtum frá gæðavínekrum víðsvegar um Kaliforníu og skapar samtöl - hvort sem það er um vínið eða merkimiðann. Fyrir þá sem eru nýir í Orin Swift er Abstract ástsæll upphafsstaður á ferðalagi með okkur.

Eins og önnur Orin Swift vín er það mjög dökkt að lit, ilmur af bláberjum, svörtum fíkjum, þroskuðum jarðaberjum og vott af múski og rababara. Öflug byrjun sem skilar sér líka í bragði með m.a. dökkum plómum, þroskuðum hindberjum og svoldíð af kalkríkum jarðvegi, endar svo með svörtum kirsuberjum, sætum lakkrís og fljótþrurrkandi tannínum. Vínið fær 8 mánaða eikarþroskun á frönskum og amerískum tunnum, 32% nýjar tunnur.