Nederburg er eitt hinum sögufrægu vínhúsum Suður-Afríku og var upphaflega stofnað árið 1791. Nederburg-býlið, sem er sannkallað Château er enn á sínum stað í Paarl skammt frá Höfðaborg og vínin frá Nederburg eru með þeim vinsælli frá Suður-Afríku. 

Suður-Afríka er kannski ekki fyrsta víngerðarlandið sem að manni dettur í hug þegar að Riesling er annars vegar en Winemasters Riesling frá Nederburg er ótvíræð sönnun þess að þessi þýska þrúga getur gert ansi gott mót á Höfðasvæðinu.

Ljóslímónugrænt að lit, blómlegt í ilmi með ananas, límónu, Granny Smith-epli, smá steinolíu og kryddjurtir, miðlungsfylling, mínerlískt,ekki of þurrt, ferskt og líflegt vín.