Sú staðreynd að þessi lína frá Montes séu inngangsvínin hans segir mikið um metnað framleiðandans. Vínin eru öll úr þeirra eigin víngörðum, allar þrúgur handtíndar til að tryggja besta úrvalið úr víngarðinum. Classic-línan frá Montes í Chile er ein af línunum sem að setur svolítið standardinn í þessu flokki í Chile og löngum hefur það verið þannig að Merlot-vínið í línunni er eitt það allra sterkasta.  

Dökkkirsuberjarautt að lit, ilmur af ferskum ávexti, rifsber, bláberjasulta og plómur ásamt karmelu, núggati og vanillu. Þétt og ávaxtaríkt í bragði, smá kókos, krydd og eik með mildum og þægilegum tannínum. Ríflega helmingur af víninu fær 8 mánaða franska eikarþroskun.  Flott grillvín, vín sem gefur ansi hreint mikið fyrir peninginn.