Massican er eina vínhúsið í Napa og Sonoma sem gerir bara hvítvín. Vínin eru gerð úr 10 þrúgutegundum sem ræktaðar eru í 16 vínekrum á norðurströnd Kaliforníu. Vínekrurnar eru annaðhvort ræktaðar með lágmarks sjálfbærniskröfum eða með vottaðri lífrænni ræktun þegar mest lætur. Víngerðin ber virðingu fyrir vínekrunum og þrúgunum, og því er mjög lítið um inngrip í gerjunarferlið við framleiðslu þessara vína.

Á bak við hlekkinn hér má finna allt frá staðsetningu vínekranna til gerjunarferla, tunnunotkunar og þeirra innihaldsefna sem notuð eru við víngerðina. Við gefum einnig upp hitaeiningafjölda hvers víns (minna en 95 í hverju glasi), kolvetnamagn í hverju glasi og tillögur að matar­pörun.

Gemina er nafn á fornri rómverskri þrúgu sem var ræktuð á svæðinu í kringum Massican-hæðirnar á Suður-Ítalíu. Þessi þrúgutegund á uppruna sinn í Grikklandi og nær aftur til fyrstu aldar, þegar hún var kölluð Aminea Gemina. Í dag þekkjum við þessa þrúgu sem Greco. Gemina er einstök hvítvínsblanda sem sameinar þrúgur upprunnar frá Suður-Ítalíu sem nú eru ræktaðar í Kaliforníu. Blandan endurspeglar jafnvægi milli fjölskylduarfs víngerðarinnar á Suður-Ítalíu og ástríðu okkar fyrir ferskum strandhvítvínum Miðjarðarhafsins.

Ilmar af frískandi hafgolu, verbenulaufum og engifer. Bragðast af sítrónu, lime og nektarínum, mjög þurrt og ferskt vín.

Gemina er blanda af Greco 50%, Falanghina 34%, Fiano 16%.