Vintage Port kallast það portvín sem er búið til í topp árgöngum og hefur verið kosið sem slíkt en ekki er Vintages Port framleitt í öllum árgöngum. Þessu víni er tappað á flöskur eftir 2 ár í tunnum en er oftast ekki drykkjar klárt fyrr en eftir 20-30 ár. Með aldrinum missir vínið smá saman svartrauðan lit og verður rúbínrautt með brúnum köntum. Það besta við portvín er að það er alltaf hægt að finna tækifæri til þess að njóta þessa ljúffenga vökva bæði með eða án matar.

Douro-dalurinn í norðurhluta Portúgal er með fegurstu víngerðarhéruðum heims. Fljótið Douro hlykkjast um dalinn á lokasprett sínum að Atlantshafi og í bröttum hlíðunum berst vínviðurinn í grýttum jarðveginum á manngerðum syllum. Douro er auðvitað þekktast fyrir að vera hérað hinna styrktu vína, portvínanna, frægustu vína Portúgal.