Orange vín eða Gul vín eru hvítvín sem eru framleidd á sama hátt og rauðvín, þ.e.a.s hýði berjana er haft með í gerjuninni og verður útkoman oftast ótrúleg eins og í þessu víni, djúpur litur, vínið aðeins tannískt og bitturt. Fyrstu Orange vínin voru gerð í Georgíu fyrir 4500 árum síðan og er Gérard Bertrand að votta þeim virðingu með sýnu fyrsta Orange víni.

Fallegur appelsínu gulur litur, flókið í ilm og bragði, ferskt, smá tannín og beiskar appelsínur, ferskjur, apríkósur, rababari, hýði af grapeávexti og mirabelle plómur, þétt og mikil fylling, samt svo fínlegt allt og elegant, langt og skemmtilegt eftirbragð, mjög svo öðruvísi vín fyrir þá sem þora. Gérard Bertrand Orange Gold er lífrænt ræktað náttúruvín.