Emilio Moro sem hefur aðsetur í smáþorpinu Pesquera er eitt af helstu vínhúsunum í Ribera del Duero, einhverju besta rauðvínshéraði Spánverja. Vínþrúgan í Ribera heitir Tinto Fino og er í raun sú sama og víða annars staðar, t.d. í Rioja, er nefnd Tempranillo. Felisa hefur verið öxull Moro fjölskyldunar og nú hafa börnin hennar búið til þetta vín til heiðurs henni. La felisa er fyrsta lífræna vínið frá Emilio Moro og er líka án súlfít.

Dökk kirsuberjarautt að lit, ilmur af ferskum rauðum berjaávexti í bland svo smá af dökkum berjaávexti, fjólum og lakkrís. Í munni bætist við smá sætabrauðs fílingur, karmela og vanila, öflugt í bragði með þroskuðum tannínum og löngu eftirbragði.