Hér er loksins lentur hinn íslenski spritz!

Drykkur þar sem vín er unnið úr Eldblómunum, blómin infusuð í líkjör sem er tilvalin til að blanda í kampavín – Hinn Íslenski Spritz!

Drykkurinn inniheldur fljótandi danssmíðar sem hafa verið dregnar úr blómunum. Innihaldsefni líkjörsins eru m.a. blóm úr choreogröphuðu blómabeði, jurtir sem hafa verið vökvaðar af samtímadönsurum, bleikt greip, bergamót, vestfirskur rabarbari og blóðberg handtýnt í Örlygshöfn.

Drykkurinn er settur á flöskur af ballerínum og er því há prósenta af samtímadansi í flöskunum. Val dansarans - við lofum frumlegum danshreyfingum á þriðja glasi. Eldblóma Elexír er unnin í samvinnu við Foss Distillery.