Suður-afrísku vínin frá Drostdy Hof hafa notið mikilla vinsælda, ekki síst í þriggja lítra kössum og kassavín frá fyrirtækinu hefur til að mynda verið valið besta kassavínið á markaðnum af sænskum víntímaritum. Kirsuberjarautt með gnótt ávaxta í angan, sólber, dökk kirsuber og sætir kryddtónar, lauf og það vottar fyrir kaffikeimi. Vínið er nokkuð þétt í bragði með mjúka fyllingu og ferska sýru, mild tannín og nokkuð langt eftirbragð. Einnungis 20% af víninu fær eikarþroskun til að viðhalda í ferskleika vínsins. Fæst einnig 75cl flösku.