Suður-afrísku vínin frá Drostdy Hof hafa notið mikilla vinsælda, ekki síst í þriggja lítra kössum og kassavín frá fyrirtækinu hefur til að mynda verið valið besta kassavínið á markaðnum af sænskum víntímaritum. Ljóssítrónu gullið að lit með góða angan ávaxta og grösuga tóna, hér má finna sæta sítrusávexti, ananas, apríkósa, græn epli, perur og hvít blóm. Gott jafnvægi í annars ljúfu víni. Það er þurrt með góða snerpu, ferskt og milt eftirbragð.