Marcel Guigal er hinn ókrýndi konungur Rónardalsins og vínin hans eru undantekningarlaust tæknilega fullkomin og glæsileg.  Vín Châteauneuf-du-Pape eru líklega þekktustu vín Rhône-dalsins á Íslandi. Þau eru blanda úr allt að þrettán þrúgum og þurfa langan tíma til að ná kjörþroska. Vín þaðan eiga að vera þung og bragðmikil og henta því víngerðarstíl Guigals einstaklega vel. Meirihluti vínsins kemur af mjög gömlum Grenache vínvið.

Dökkt að lit, kryddaður og heitur ávöxtur, þroskuð kirsuber, plómur og sultaðaur ávöxtur, rabarbari, lavander, jörð, lakkrís og reykur. Þétt í munni, kröftugt og flókið vín, hezlihnetur og súkkulaði.  Verulega elegant og fágað. Má vel geyma í all mörg ár. Fullkomið villibráðavín.