Bouchard Aîné & Fils – Hefð og gæði frá Bourgogne

Bouchard Aîné & Fils er virt vínhús með rætur aftur til 18. aldar og telst meðal klassískra framleiðenda í Bourgogne í Frakklandi. Saga fyrirtækisins nær til ársins 1731, þegar fjölskyldan hóf starfsemi á svæðinu, en nafnið sjálft varð til árið 1828 þegar eldri sonur fjölskyldunnar stofnaði sitt eigið vínhús.

Húsið er staðsett í Beaune, hjarta Bourgogne, og starfar sem svokallað „négoce“-fyrirtæki. Það þýðir að það vinnur með völdum vínræktendum víðs vegar um héraðið, kaupir þrúgur eða vín og sér um framleiðslu, þroskun og blöndun. Með þessu móti tryggir framleiðandinn stöðug gæði og nær að endurspegla sérkenni mismunandi svæða Bourgogne.

Stíll Bouchard Aîné & Fils einkennist af hefðbundinni nálgun þar sem áhersla er lögð á jafnvægi, fágun og uppruna vínsins. Hvítvín hússins, sérstaklega úr Chardonnay-þrúgum, eru þekkt fyrir ferskleika, steinefnakenndan karakter og glæsileika, á meðan rauðvínin sýna klassísk einkenni Pinot Noir með fínlegri byggingu og dýpt.

Í dag er fyrirtækið hluti af Boisset-fjölskyldunni og sameinar langa hefð við nútímalega tækni í víngerð. Vín frá Bouchard Aîné & Fils eru seld um allan heim og njóta vinsælda fyrir áreiðanleg gæði og trúverðuga framsetningu á stíl Bourgogne.

Valmur er ein af sjö Grand Cru vínekrum í Chablis og liggur miðsvæðis í hlíðum svæðisins, á hægri bakka Serein-árinnar. Vínekran myndar náttúrulega dalverpi sem nýtur góðrar sólar og skapar kjöraðstæður fyrir Chardonnay-þrúguna.

Jarðvegurinn er dæmigerður fyrir Chablis, ríkur af kalksteini og leir með steingerðum sjávarleifum, sem gefur vínunum þeirra einkennandi steinefnaríka og ferska karakter.

Vín frá Valmur eru þekkt fyrir jafnvægi milli krafts og fágunar – þau eru fyllri og ríkari en mörg önnur Chablis, en halda þó skýrri sýru, dýpt og elegant byggingu. Með aldri þróa þau flóknari tóna, svo sem hunang, hnetur og mildan kryddkeim.

Grængullið að lit, mjög ferskt og mínearlístk í ilmi, sítrusbörkur, límónu verbena og mynta. Líflegur og opin í munni, sítrusávextir, rjómi og ending af fínlegum reyktum tónum.