Jean-Claude Boisset lét setja upp starfsemi í fyrrum Ursulines klaustri í Nuits-Saint-Georges þar sem nunnurnar neyddust til að flýja frá í byltingunni, en skildu greinilega anda sinn eftir, ofboðslega friðsæll staður, afgirtur með stórum hlöðnum steinveggjum milla raða af eplatjám og öðrum ávöxtum.

Jean-Claude Boisset hefur byggt upp mikið vínveldi í Búrgund á síðustu áratugum með kaupum á hinum ýmsu vínhúsum. Hann var einungis 18 ára þegar að hann stofnaði sitt eigið négociant-fyrirtæki árið 1961 og árið 1985 varð hann fyrsti nécoiantinn sem að skráði sig í frönsku kauphöllina. Vínin sem hann setur á markað undir eigin nafni hafa vaxið mikið á síðust árum, ekki síst eftir að víngerðarmaðurinn Gregory Patriat, sem áður hafði unnið hjá hinum goðsagnakennda Vosne-Romanée framleiðanda Domaine Leroy tók við og endurlífgaði vínhúsið að nýju. Árið 2018 opnuðu þeir nýja háþróaða víngerð sem endurspeglar nútímalega og tæknilega nálgun þeirra á víngerð. Í dag er vínhúsið rekið af börnum Jean-Claude, þeim Jean-Charles og Nathalie.

Þessi Bourgogne Chardonnay kemur frá vínekrum að mestum hluta frá Côte de Beaune, lítil sem engin áburður notaður og umhverfisvæn stjórnum. Föl gyllt að lit, ilmur af perum, límónu, hvítum blómum og vottur af exotískum ávexti, létt eik, vanilla, yndisleg miðlungsfylling, fersk sýra í ljúfu eftirbragði.  Vínið fær 14 mánaðar eikarþroskum á einungis 10% nýrri eik.