Franskt eplabrandí frá Normandí í Frakklandi, þar sem aldagömul hefð fyrir eplarækt og framleiðslu eplavíns leggur grunninn að einstökum Calvados. Berneroy leggur áherslu á að varðveita ferskt og náttúrulegt eplabragð í sínum Calvados.

Berneroy Fine er ferskt, ávaxtaríkt og líflegt eplabrandí með skýran karakter af nýuppteknum eplum. Það er ljósgyllt á lit og í ilminum má finna fersk epli, peru og milda vanillu. Bragðið er hreint og kraftmikið, með safaríkum eplakeim, léttum eikartónum og ferskri sýru sem skapar gott jafnvægi. Eftirbragðið er hlýlegt og örlítið kryddkennt.

Berneroy Fine er blanda af 2–3 ára gömlum Calvados sem er eimaður í hefðbundnum koparkötlum og þroskaður á frönskum eikartunnum. 

Fjölhæfur og aðgengilegur Calvados sem nýtur sín vel einn og sér, yfir klaka eða sem spennandi grunnur í kokteila. Einnig frábær með eplakökum og öðrum eftirréttum þar sem epli eru í aðalhlutverki.