Bassermann-Jordan var stofnað árið 1718 og hefur verið í eigu sömu fjölskyldu allt til ársins 2002, þá var það keypt af Achim Niederberger. Staðsett í bænum Deidesheim og 50 hektara af víngörðum á flestum þekktum svæðum. Frá aldarmótum hefur vistfræðileg og lífeld ræktun ( Biodynamic ) verið stunduð, en það hefur aðeins nýlega sem vottunin hefur birst á flöskunum.

Á flöskumiðanum er mynd af svokallaðri „bacchans“ (latína), áhanganda vínguðsins Bakkusar sem heldur á blómvendi í annarri hendi og vínglasi í hinni. Myndin sýnir hana hylla brjóstmynd af keisaranum Próbusi, en brjóstmyndin stendur á skreyttum stalli með áletruninni PROBUS IMP (Próbus keisari). Í bakgrunninum má sjá vínekrur Palatíum og Rínardalsins. Rínardalurinn var á sínum tíma hluti Rómarveldis og var Próbus ábyrgur fyrir útbreiðslu vínræktarmenningu Rómverja um þau héruð Evrópu þar sem Rómverjar réðu ríkjum. Flöskumiðinn er virðingarvottur til Próbusar fyrir framlag hans til vínmenningar og þróunar vínræktar. 

Þessi Grauer Burgunder eða Pinot Gris sem fleiri þekkja þessu þrúgu undir kemur frá víngörðum í kringum bæina Deidesheim og Ruppertsberg þar sem jarðvegurinn einkennis af rauðum sandsteini, leir og kalksteini.

Ríkulegt vín og kryddað "Orange" vín, blómlegir tónar, rauðir berjaávextir, ferskjur, vanilla, þroskuð epli, rósemarín, hnetur og fínlega reyktur karakter, mikil fylling í munni, mjög þurrt og sýruríkt með smá beiskleika, tannín. Prófið jafnvel með kálfakjöti eða öðrum bragðmiklum réttum af hvítu kjötu.