Freyðivín eru framleidd víða um Frakkland og í Búrgund kallast þau Crémant du Bourgogne.  Bailly-Lapierre er  framleiðandi í þorpinu Bailly í norðurhluta héraðsins. Þetta er nágrannasveit Champagne og þrúgurnar því ekki bara þær sömu og ræktaðar eru í Champagne (það er Pinot Noir og Chardonnay) heldur aðstæður allar einnig mjög svipaðar. Þar sem  sama aðferð er notuð við gerð freyðivínsins og í Champagne verður útkoman oft mjög góð. Bailly Lapierre Extra Brut er með bestu freyðivínum hússins, þetta gæti verið ungt kampavín en kostar eins og freyðivín. texti www.vinotek.is

Vínið hefur strágylltan lit og fínlega freyðingu, aðlaðandi ilmur af grænum eplum, sítrus og kremkexi. Nokkuð þurrt, ferskt og bragðmikið og við bætist keimur af lime, grape og þroskuðum perum. Frábært jafnvægi, vín fyrir hátíðlegan fordrykk.