Peter Lehmann er ein af goðsögnum Barossa-dalsins og einn af þeim sem átti mikinn þátt í að koma Shiraz-vínum héraðsins á framfæri alþjóðlega.  Hann féll frá fyrir nokkrum árum en vínin byggja enn á þrúgum frá þeim rúmlega hundrað vínbændum sem Lehmann byggði upp samninga við í gegnum árin.

Við gerð þessa frábæra víns koma bæði við sögu frönsk og amerísk eik. Vínið er kraftmikið og berjaríkt, það er ríkt af ávöxtum og sveitatónum með sultaðri plómu, sólber og trönuber ásamt fersku lyngi. Lakkrís og mynta sem kom vel fram í munni. Mjúk og þroskuð tannín, eik og krydd finnast í löngu eftirbragði.