Nederburg er eitt hinum sögufrægu vínhúsum Suður-Afríku og var upphaflega stofnað árið 1791. Nederburg-býlið, sem er sannkallað Château er enn á sínum stað í Paarl skammt frá Höfðaborg og vínin frá Nederburg eru með þeim vinsælli frá Suður-Afríku. 

Hvítvínsþrúgan Chenin Blanc er fyrst og fremst ræktuð í Loire-dalnum í Frakklandi en hefur þó einnig af einhverjum ástæðum verið mjög áberandi í suður-afrískri víngerð um aldabil. Lengi vel gekk hún þar undir heitinu Steen en nú til dags eru suður-afrísku vínhúsin yfirleitt farin að nota hið franska heiti hennar.

Ljósgult á lit með miklum, sætum og suðrænum ávexti í nefi. Þarna er ananas og niðursoðnar ferskjur, jafnvel smá apríkósur og melónur, í munni með ágætum ferskleika en jafnframt nokkurri sætu.