Þessi einstöku vín eru unnin úr þrúgum af ekrum hjá eigninni Castello della Sala skammt frá Orvieto í Umbriu. Antinori kaus að gera þar tilraunir með framleiðslu á Chardonnay-hvítvíni og öðrum frönskum þrúgum og hefur það vakið mikla athygli. Eitt frægasta hvítvín Ítalíu í dag. Þrúgurnar handtíndar að nóttu til og gerjun og þroskun fer fram í eikartunnum.

Bragðmikið og ilmríkt hvítvín með suðrænum ávöxtum, hvítum blómum og ristuð mild sæt eik í aðalhlutverki. Vín fyrir hátíðleg tækifæri og mjög vandaðan mat. Á sérstaklega vel við humar, lax og skötusel.