Bodegas Cepa 21 er nýtt metnaðarfullt verkefni undir stjórn Moro fjölskyldunar eigendum Bodegas Emilio Moro ein táknrænasta víngerð í Ribera del Duero. Markmið að Cepa 21 verkefninu er að byggja upp nútímalega, hagnýta og mínimalíska nýja víngerð sem Moro fjölskyldan hefur unnið að í gegnum marga áratuga reynslu í gerð nútímalegra vína. Bræðurnir José og Javier standa að þessu ásamt nokkrum vinum sem þeir vildu að kynntust þeim unaði og spennu sem fylgir vínbransanum. Vínið er geymt á litlum frönskum eikartunnum í 12 mánuði áður en það fer á flösku og eikin setur svip sitt á vínið án þess þó að taka völdin. Vínið ræður alveg við hana. Glæsilegur mjög dökkur, svarblár og djúpur litur. Breitt og flókið í nefi með tóna sælgætiskenndum svörtum berjaávexti, mórber, brómber og sólber. Eikin gefur reyk, dökkristaðar kaffibaunir, smá kókos og dökkt súkkulaði, þarna er líka smá púðursykur. Öflugt og auðugt í munni, þykkt, feitt en fersk tannín og mjög langt og saðsamt eftirbragð. Vínið er rétt að byrja, það á mörg ár eftir og hiklaust ætti að umhella því tímanlega áður en það er borið fram.