Peter Lehmann er ein af goðsögnum Barossa-dalsins og einn af þeim sem átti mikinn þátt í að koma Shiraz-vínum héraðsins á framfæri alþjóðlega.  Hann féll frá fyrir nokkrum árum en vínin byggja enn á þrúgum frá þeim rúmlega hundrað vínbændum sem Lehmann byggði upp samninga við í gegnum árin.

The Barossan frá vínhúsi Peter Lehmann í Suður-Ástralíu er stórt og öflugt Shiraz-vín frá Barossa-dalnum þar sem Lehmann var goðsögn í lifanda lífi.  Dökkrúbínrautt að lit, ilmur af sólbökuðum kirsuberjum, brómberjum, negul, leður ásamt sætu súkkulaði og mokka undirtónum, þétt fylling og bragðmikið, mild sýra, þroskuð tannín og mjúk, við bætist svo eftirbragð af evkalyptus og vanillu.