Vínið kemur frá einu besta vínræktarsvæði Mendoza héraðsins er nefnist Luján de Cuyo og er fyrsta víngerðarsvæði Argentínu sem fékk sína eigin ,,appellation” eða flokkun sem geriðst árið 1993. Hefur Malbec-vínið m.a. hlotið 94 punkta hjá Wine Advocate, riti eins virtasta vínrýna heimsins, Robert Parker. Viðtalið við víngerðarmennina má lesa með því að smella hér.

Dökk rúbínrautt að lit og svoldið fjólublátt í kanta. Öflugur ilmur af sultuðum blá-og hindberjum, sól-og krækiber líka, þroskaðar plómur, fjólur, jörð, kaffi og dökkt súkkulaði. Þétt, nánast sætur og mjúkur bragðmikill ávöxtur í bragði og við bætist bragð af kryddi, sedrusvið, ristuð eik, dökkristaðar kaffibaunir og sæt tóbakslauf. Þétt og lifandi tannin og öflugt eftirbragð, stórsteikarvín. Vínið hefur svo fengið 12 mánaða þroskun í frönskum eikartunnum og 12 mánuði á flösku áður en það fær að fara á markað. Leyfið því að anda í karöflu í 1-2 klukkustundir, þannig nýtur það sín best.

201463

Vínin okkar